PADAYON nga nagsubay ang otoridad sa mga kriminal nga miambush-patay sa upat ka mga indibidwal, alas 10 sa buntag, Domingo, Abril 14 sa probinsiya sa Maguindanao Del Sur.
Mga napatay mao sila Mhoni, mag-amahan nga Kar ug Tapuri lakip na ang usa ka wala pa mailhan, mga molupyo sa Barangay Dapiawan Datu Saudi Ampatuan Maguindanao Del Sur.
Giingong ang upat mga sakop sa Moro Islamic Liberation Front (MILF) 118th Base Command.
Subay sa report nga samtang sakay ang mga biktima sa ilang mga motorsiklo paingon sa motor trail activity sa Barangay Limpongo Datu Hoffer Ampatuan Maguindanao Del Sur nahitabo ang pagpamanhig.
Dugang pa nga pag-abot sa mga biktima sa Barangay Satan Shariff Aguak Maguindanao mipwesto na diay ang grupo ni Kumander Kagi Katatang sa Bangsamoro Islamic Freedom Fighters (BIFF) ug gibanhigan ang mga biktima.
Patay diha-diha dayon ang mga biktima human matusak-tusak sa bala ang ilang lawas. (Edgardo E. Fuerzas)