KAPIN sa 40 ka cancer survivors, young warriors, ug ilang mga pamilya gikan sa tibuok Mindanao nagkatigum niadtong Sabado, Hunyo 21, 2025, sa McDonald’s Sta. Ana Avenue aron nga isaulog ang International Cancer Survivors Day, gidumala sa Cancer Warriors Foundation (CWF).
Uban ang tema nga “Childhood Cancer is Curable,” mabati sa tigum sa lugar ang katawa, madasigon nga mga istorya, ug mga lig-ong mensahe sa paglaum. Mga nahisgutan nanag-ambit sa ilang panaw, kabataan nanagdula, ug mga pamilya nag-bonding bahin sa giambitan nga away batok sa kanser sa kabataan.
Si James Auste, CWF founder ug brain cancer survivor, nanguna sa selebrasyon. Naghinumdom sa iyang diagnosis niadtong 1996, matud niya, “Doctors told me to go home and wait. But I believed in God, in science, and purpose—and I survived.”
Kini nga kasinatian maoy nagtukmod kaniya nga ilunsad ang CWF 25 anyos na ang nakalabay human makita ang kabataan nga namatay di tungod sa kanser, apan gikan sa kakuwang sa "access" sa medisina.
Sukad niadto, ang foundation nakatabang na og kapin 1,000 child cancer patients sa tibuok nasud. Giawhag ni Auste ang iyang mga kaubang survivors ug supporters: “Let’s make more survivors—not just survivors, but warriors. If you survived, help others. Don’t wait. It can be done, it should be done, and it will be done.”
Si Michael Galves, usa ka leukemia survivor gikan sa Batangas, nibarog isip buhing pruyba.
“Out of 30 kids in my batch, I was the only one who survived. Now I work in an ER. Sir James once told me, ‘Lumaban ka.’ And I did,” saysay niya, nga nakakuha og palakpak gikan mga tawo.
Laing warrior, Lonie Jane Bersabal Padua, na-diagnosed sa edad nga 14.
Karon usa na siya ka lisensiyadong pharmacist kinsa nigraduwar nga Magna Cum Laude, nahimutang sa top 9 sa national board exam, ug bag-ohay nga nipasar og licensure test sa Australia.
“Cancer taught me to live. To trust God. To choose purpose over perfection,” paambit niya.
Si Melville Angelo Magdawan, registered psychometrician uban sa Department of Social Welfare and Development (DSWD), nipasibaw sa gahum sa pailob: “It’s hard to dream when you’re sick. But healing is real. You’ll get there too.”
Si Dr. Ong, dugay nang CWF supporter, namahayag bahin sa di lalim nga reyalidad nga giatubang sa daghang pamilya.
“There’s no free medicine unless someone donates. That’s why what the Cancer Warriors Foundation and Sir James do is so important—they fight for access, to the NICA (National Integrated Cancer Act), for free treatment in government hospitals. Today, leukemia and solid tumors can be treated in public hospitals.”
“Children are lucky to have loving parents and families who do everything to find ways, even just to get to a private hospital. So never forget to say, ‘Salamat po, mommy, daddy, lola, lolo,’” matud ni Ong.
Ang kalihukan nihatud og kalipay ngadto sa ilang mga batang nitambong, 2-anyos nga si Cattaleya Cabahar, kasamtangang nagpailawom og pagpanambal alang sa Acute Lymphocytic Leukemia (ALL).
Nisalmot siya og mga dula sama sa “McBring Me,” kon diin mga kabataan nalingaw ug nakigdula uban sa lain pa kinsa nakasabot sa ilang panaw.
Ang adlaw nihatud di lang katawa, nitay-og og inambitan nga tumong. Nagpakita kini nga kung dunay igong suporta ug kadasig, ang pagpuhag sa kanser di lang posible, apan mag-usab sa kinabuhi.
Sa pagtikyop sa kalihukan, nihatag pa si Auste og katapusang mensahe: “If you need help, just reach out. We are always by your side. Never retreat, never give up. God bless.” (Lian A. Layson, Spamast intern)