MOABOT sa 474 ka tinun-an ug bag-ohay lang nga nigraduwar gikan sa Davao del Norte State College (DNSC) nakadawat og tabang pinansiyal ilawom sa Department of Social Welfare and Development’s (DSWD) Cash-for-Work (CFW) Program atol sa culmination ceremony nga nahitabo niadtong Hulyo 22 sa DNSC Gymnasium.
Ang payout kabahin sa Kapangyarihan at Kaunlaran sa Barangay (KKB) modality sa DSWD ilawom sa Kapit-Bisig Laban sa Kahirapan–Comprehensive and Integrated Delivery of Social Services (Kalahi-CIDSS), usa ka flagship poverty alleviation program nga gidesignar aron panggamhan ang mga komunidad ug magpromotar sa participatory local governance.
Mga benepisyaryo nitunol og "community-based work and services" ubos sa CFW initiative ug gibayran alang sa ilang kontribusyon, naghatag kanila og "short-term livelihood and practical" kasinatian sa trabaho.
Daghang mga nakadawat, kinsa nag-eskuwela pa o bag-o lang natapos sa ilang degrees, nag-atubang og dakong hagit sa ekonomikanhong kinabuhi sa transisyon ngadto sa pagpanarbaho.
Si DSWD Field Office-Davao Regional Director Rhuelo Aradanas, nagrepresentar kang Assistant Regional Director for Operations Merlinda A. Paragamac, nagdayeg sa programa sa paghanyag og dinalian nga kita isip suporta samtang nagmugna pa og kasinatian sa trabaho ug pagpakiglambigit sa komunidad ang mga batan-on.
Aron ikomplemento ang tabang pinansiyal, nilusad ang Department of Labor and Employment (DOLE-Davao) og mini-seminar nga giulohan “Stand Out: Personal Branding and Professionalism for Young Job Seekers.”
Ang sesyon nagtumong sa paghitsas sa mga benepisyaryo nga nigraduwar og "practical knowledge and soft skills" nga mahinungdanon kaayo sa pag angkon og "long-term employment", sama sa epektibong komunikasyon, workplace etiquette, ug professional self-presentation.
Gipahimug-atan sa mga representante sa DOLE-Davao nga ang sesyon gitumong nga matabangan ang mga batan-ong benepisyaryo makaandam alang sa umaabot nga mga oprotunidad sa trabaho, ilabi na "competitive and rapidly changing labor market."
Magpadayon ang CFW program nga magsilbi isip usa sa key strategies sa DSWD sa pagpalig-on sa community resilience ug pagtubag sa "unemployment and underemployment" sa mga bulnerable nga mga sektor, ilabi na gyud sa mga kabatan-onan.
Pinaagi sa paghiusa sa dinaliang livelihood support uban ang capability-building nga kalihukan, ang inisyatibo nagtinguha sa pagpromotar sa "inclusive growth and social mobility."
Gihatagan sab og gibug-aton sa kalihukan ang kaimportante sa panaghiusa sa mga ahensiya sa pagmugna og hiniusa, tubag, ug magtutok sa mga programang kalamaboan sa mga batan-on sa tibuok rehiyon. (David Ezra Francisquete)