4Ps beneficiaries makahimulos sa power subsidy program sa DLPC

4Ps beneficiaries makahimulos sa power subsidy program sa DLPC
Hulagway gikan sa Davao City Information Office

GOOD news gumikan kay ang City Social Welfare Development Office (CSWDO) ug Davao Light and Power Company (DLPC) nag-awhag sa mga benepisyaryo sa Pantawid Pamilyang Pilipino Program (4Ps) ug mga pamilyang ubos ang kita sa Davao City nga mokonsumo og ubos sa 100 kilowatt/hour nga kuryente sa pag-aplay alang sa Lifeline Rate subsidy program.

Subay sa Republic Act No. 11552, ang subsidy program naghatag og diskwento sa bayranan sa kuryente sa mga kuwalipikadong marginalized o ubos nga kita nga mga kustomer kansang binuwan nga konsumo sa kuryente dili molapas sa 100KWH.

Si CSWDO Welfare Program Focal Person Lynmar Podador niingon nga kadtong naa na sa listahan sa mga benepisyaryo sa 4Ps kuwalipikado sa maong programa ug mahimong makapahimulos sa diskwento gikan sa DLPC. Ang uban nga wala sa 4Ps mahimo pa nga makapahimulos sa ilang kaugalingon sa power subsidy basta ma-certify sila nga kabus o ubos ang kita sa CSWDO.

Si Fermin Edillon, head sa DLPC Reputation Enhancement Department, niingon nga ang tanang kustomer sa DLPC kansang konsumo sa kuryente kada bulan ubos sa 100KWH kaniadto maoy default beneficiaries sa maong programa sa dihang gipatuman kini niadtong Septiyembre 2023. Apan, nasuta nga dili tanan nga mukonsumo og gamay sa 100kwh gikan sa marginalized o ubos nga kita nga mga grupo.

Mao kini ang hinungdan nga nakig-alayon ang DLPC sa CSWDO, Department of Social Welfare and Development, ug Energy Regulatory Commission aron maseguro nga ang power subsidy makabenepisyo sa labing nanginahanglan.

Aron mahimong kuwalipikado alang sa Lifeline Rate subsidy program, ang mga aplikante kinahanglang mohatag og pruweba sa billing gikan sa DLPC, valid ID, duly-filled application form, ug pruweba nga benepisyaryo sa 4Ps o certification gikan sa CSWDO nga nag-validate sa ubos nga kita o kabos sa aplikante.

Ang mga nag-abang mahimo usab nga makapahimulos sa ilang kaugalingon sa subsidy basta makakuha sila og sertipikasyon gikan sa tag-iya sa ilang pinuy-anan.

Mokabat sa 3,000 ka mga kustomer sa DLPC ang naka-avail sa ilang kaugalingon sa subsidy karong tuiga. Mga 65,000 ka kustomer sa DLPC ang mahimong maka-aplay alang sa lifeline rate power subsidy. (JPC/CIO)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph