5 na patay sa diarrhea outbreak

5 na patay sa diarrhea outbreak
MDRRMO-Talayan

MISAKA na sa lima ka tawo ang ihap sa nangamatay sa nahitabong diarrhea outbreak sa Brgy. Tamar, Talayan, Maguindanao del Sur sugod sa unang adlaw karong tuiga, 2024.

Kini ang gikompirma ni Fuad Samola, ang Municipal Disastar Risk Reduction and Management Officer sa Talayan.

Sumala ni Samola nga mokabat sa 22 ka tawo ang nadala sa ospital human nakasinati og pagsuka, pagsakit sa tiyan ug pagkalipong.

Sa pagkakaron, napulo pa ka tawo ang nagpabilin sa ospital.

Mga biktima nagpangedaron og dos, tres, singko, katorse ug kuwarenta anyos.

Posibleng kontaminado ang tubig gikan sa upat ka tabay o poso (jetmatic) sa Sitio Sinindulan, Barangay Tamar ang giingong hinungdan sa outbreak.

Hinuon gipaabot pa karon sa lokal nga panggamhanan sa Talayan ang resulta sa gihimong test sa nakuha nga water samples.

Kapin sa usa ka gatos ka molupyo ang nagsalig sa maong tinubdan sa tubig, apan karon gidid-an una sila sa lokal nga panggamhanan sa paggamit sa tubig.

Ang LGU nanghatag na og libreng tubig gikan sa water refilling stations alang sa luwas nga tubig nga mainom.

Mihatag sab dayon og hinabang ang lokal nga kagamhanan sa Talayan sa mga pamilya nga namatyan, apil na kadtong nangaospital.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph