53-anyos nga gipusil sa 95-anyos luwas na

53-anyos nga gipusil sa 95-anyos luwas na
DCPO

ANAA na sa luwas nga kahimtang ang 53-anyos nga lalaki human pusila sa 95-anyos nga silingan nga lolo alas 7 sa gabii, Miyerkules, Hunyo 12, 2024, sa Purok 26- B, Sitio Mayrin, Barangay Maa, Davao City.

Sumala ni Davao City Police Office (DCPO) spokesperson Police Captain Hazel Tuazon nga anaa na sa luwas nga kahimtang ang biktima nga dunay igo sa likod nga bahin sa lawas.

Kasong frustrated murder ug kalapasan sa Republic Act 10591 kun Comprehensive Law on Firearms and Ammunition ang atubangon sa 95-anyos nga suspek.

Nasayran nga duna na’y daang away ang duruha sa wala pa gikabutyag nga rason nga maoy gituohang hinungdan nganong gipusil sa suspek ang biktima gamit ang .38 revolver samtang naglingkod sa iyang motorsiklo.

Nagpabiling anaa pa sa Davao Doctors Hospital ang biktima samtang ang suspek gikustodiya sa kapulisan sa Maa Police Station. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph