COTABATO CITY -- Tag-as ug nagkadaiyang klase sa armas ang gisurender ngadto sa militar alas 2:00 sa hapon, Dominggo, Abril 21, 2024, sa Central Mindanao.
Gibutyag ni 6th Infantry (Kampilan) Division Chief ug Joint Task Force Central Commander Major General Alex Rillera nga ang mga armas gitahan sa puwersa sa 57th Infantry Battalion Philippine Army nga gipangulohan ni Lieutenant Colonel Guillermo Mabute Jr.
Mga armas gikan sa sibilyan nga way dokumento ang mga armas, diin sila gikan sa Upi Maguindanao del Norte, South Upi Maguindanao del Sur ug Lebak Sultan Kudarat Province.
Ang pagtahan sa mga armas kabahin sa Balik Baril Program sa kagamhanan kontra loose firearms.
Gipasalamatan sab ni MGen Alex Rillera ang mga lokal nga opisyal sa tulo ka lungsod nga nangusog nga matahan ngadto sa otoridad ang mga loose firearms.
Nanawagan ang Heneral sa mga naghupot og dili lisensiyado nga mga pusil nga isurender na sa mga otoridad. (Edgardo E. Fuerzas)