6 naapektuhan sa kilat luwas na

6 naapektuhan sa kilat luwas na
Hulagway gikan ni ITdang Chin Chin

ANAA na sa luwas nga kahimtang ang unom ka mga indibidwal nga naapektuhan human nga naigo sa kilat ang lubi duol sa ilang nahimutangan, Sabado sa hapon, Abril 27, 2024 didto sa Sitio Bayana, Barangay Salaysay, Marilog District, Davao City.

Sa gibutyag ni Police Major Nelson Violan, ang hepe sa Marilog Police Station, sa dxDC RMN Davao nasayran nga gikan mitambong og event ang mga nahisgutan.

Dugang pa nga 10 metros gikan sa venue, naigo og kilat ang punoan sa lubi, diin tungod sa kakusog sa impak niini, lakip nga naapektuhan ug giingong nakuryentehan ang nahisgutang unom ka mga indibidwal.

Giila ang mga biktima nga sila Jessel Camparan Bayo, 18, taga Barangay Suawan, Davao City; Annabel Mendoza, 48 taga Barangay Meocan, Arakan, Cotabato; Albert Pagayao, 17 taga Barangay Suawan; alyas Chin, 8 anyos taga Barangay Suawan; Ernesto Pahulayan, 42, ug Marily Mantiquilla, 34, nga taga Barangay Suawan sab.

Ang unom giingon nga nanambong og kasal sa dapit.

Makita sa mga hulagway nga gi-upload sa uploader nga usa ka Chin Chin sa Facebook niini nga gidali og pangpangsakay sa sakyanan ang mga biktima aron dalhon sa pinakaduol nga tambalanan.

Sumala ni Major Violan nga gipangdala ang mga nahisgutan sa Kibalang District Hospital diin sila ang anaa na sa stable nga kondisyon. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph