NAGLUTO diin napasagdan og midako ang kalayo nga maoy hinungdan sa pagkasunog sa balay sa alas 10 sa gabii, Sabado, Abril 20, 2024, didto sa Residencia Del Rio, Block 1, Barangay Catalunan Pequeño, Davao City.
Sa maong hitabo, usa ka 60-anyos nga lola ang namatay human nga wala na kini kagawas atol sa kusog nga pag-ulbo sa kalayo.
Lakip sa naugdaw ang usa ka bodega nga dunay daghang plastic ug mga carton nga maoy hinungdan sa pagdako sa kalayo nga mikanit sa tibuok balay.
Giingon nga napasagdan nga nagdilaab ang kalayo sa abuhan gamit ang sugnod nga mga kahoy ang hinungdan sa sunog.
Ang insidente miabot ngadto sa alam status niini nga "first alarm."
Anaa sa P10,000 ang gibana-banang damyos sa sunog. (Jeepy P. Compio)