7-anyos dunay kaluha nga Cobra?

7-anyos dunay kaluha nga Cobra?
Hulagway gikan sa Bombo Radyo GenSan

GENERAL SANTOS CITY — Giila karon o gitawag nga ‘Cobra Prince’ ang usa ka bata didto sa Tampakan South Cotabato.

Matud Leslie, inahan ni Kevin, 7-anyos nga mga molupyo sa Purok Sunflower, Barangay San Isidro, Tampakan South Cotabato nga nanakop og kobra ang iyang anak niadtong Marso 1, 2024.

Gisulod sa bata ang bangag nga gitaguan sa kobra ug iya kining nakuha apan kalit siyang gituklod sa iyang silingan nga menor de edad, hinungdan nga siya gipahit sa halas sa iyang kumagko.

Igo lang daw nalibat ang mata sa bata ug mikatol ang iyang pinaakan apan wala maunsa o maigo sa la sa bitin.

Gidala ni Kevin ang nadakop nga kobra sa ilang balay nga gikakurat sa iyang ginikanan nga maoy nanawag sa MENRO-Tampakan nga maoy mikuha sa halas.

Gisaysay ni Leslie nga kaduha na ka higayon nga nanakop og cobra ang iyang anak.

Atol nga gipanganak ni Leslie si Kevin dunay dakong sawa ang misaka sa ilang balay nga daw nagbantay o naniid sa iyaha samtang gihimugso ang bata.

Nadala na sab sa balay-tambalanan ang bata ug na-injection nan na og anti-venom.

Bisan gipasidan-an na sa inahan ang bata nga dili na manakop og cobra apan padayon gihapon kini sa iyang gihimo.

Daghan ang nag-ingon nga dunay kaluha nga bitin ang bata og siya dili madutlan sa pinaakan sa cobra.

Sa kasamtangan ang bata ang gitawag na karon nga Cobra Prince sa Tampakan South Cotabato nga pinakabata nga manakopay og halas.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph