ANG suwat sa bongbong nga nagkanayong ”wala akoy sala nga nabuhat,” maoy bugtong saksi sa paghunos sa kinabuhi sa usa ka tiguwang nga gitudlong suspek sa paglugos-patay sa usa ka bata sa General Santos City.
Wa nay kinabuhi dihang napalgan ang 74-anyos nga lolo nga si Ermilendo Sajulga, ulitawo, nagpuyo sa Purok 9 Barangay Conel General Santos City, mga alas 11 p.m., Dominggo, Marso 24, 2024.
Saysay sa apo sa biktima nga si Henry Ruiz nga nakugang na lamang sila dihang nakita ang ilang apohan nga nagbitay sa usa ka punuan samtang may hikot sa liog.
Nakita sab ang gisulat ni Lolo sa pader nga nagkanayon ”wala akoy sala nga nabuhat.”
Si Lolo Ermilendo usa sa mga suspek nga gitudlo nga maoy naglugos-patay sa 7-anyos nga iyang silingan.
Sa imbestigasyon sa General Santos City Police Office (GSCPO) wala silay nakita nga foul play sa kamatayon sa tiguwang. (EEF)
###
Alang niadtong adunay suicidal thoughts, mamahimong motawag sa suicide hotlines: 1553 for Luzon-wide (toll-free), 09663514518/09178998727 alang sa Globe o TM subscribers, ug 09086392672 alang sa Smart, Sun, o TNT subscribers.