8-anyos gilukot sa balud

DAVAO. Daling mitabang ang mga responders sa usa sa mga biktima nga nalumos samtang naligo sa usa ka resort sa Dahican Mati. Sa insidente, dead on arrival ang usa ka 8-anyos nga batang lalaki, samtang naluwas ang duha ka kauban. (Hulagway gikan sa Coast Guard Station Davao Oriental)
DAVAO. Daling mitabang ang mga responders sa usa sa mga biktima nga nalumos samtang naligo sa usa ka resort sa Dahican Mati. Sa insidente, dead on arrival ang usa ka 8-anyos nga batang lalaki, samtang naluwas ang duha ka kauban. (Hulagway gikan sa Coast Guard Station Davao Oriental)(Hulagway gikan sa Coast Guard Station Davao Oriental)

ANG malipayon unta nga family outing nahimong magul-anon human nga giigo og trahedya ang lingaw-lingaw sa usa ka pamilya nga naligo sa usa ka beach sa Barangay Dahican, Mati City, Davao Oriental, Abril 28 sa buntag.

Sa insidente, dead on arrival sa bay tambalanan ang 8-anyos nga batang lalaki, samtang naluwas ang hamtong nga paryente nila nga 40-anyos ug laing 14 anyos nga batang babaye.

Sa update gikan Radyo Pilipinas Davao, sa pahayag ni Coast Guard Southeastern Mindanao Chief-of-staff Commander Angela Tobias, nga ang 40-anyos nga ginang maoy misuway ug luwas sa nalumos niyang pag-umangkon nga 14 ug 8-anyos.

Dugang pa nga ang inahan sa mga biktimang bata anaa ras baybayon duol sa resort asa sila naligo.

Giingong gikan pa sa Manila ang mga biktima maong dili sila pamilyar sa dagat sa dapit.

Sa kasamtangan, anaa sa Davao Oriental Provincial Medical Center ang 40-anyos ug 14-anyos nga bata nagpaalim sa trauma nga nasinati.

Kahinumduman nga ang batang namatay napalgan sa mga rescuers sa Mati CDRRMO ug Coast Guard Station Davao Oriental, alas 11:54 sa buntag nga suma pa wala nay kinabuhi. (Rhona Goc-ong-Villariasa)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph