86-anyos nakit-ang patay sa dagat

86-anyos nakit-ang patay sa dagat
Google

GILAMAYAN na sa pamilya ug kabanay ang patay nga lawas sa 86-anyos nga lolo napalgan nga naglutaw sa dagat sa Purok 2, Barangay Catagman, Samal District, Island Garden City of Samal (Igacos) alas 12:50 sa udto, Martes, Marso 5, 2024.

Ang biktima giila nga si Sabas Lidama, minyo ug molupyo sa Purok 2, Barangay Catagman sa maong distrito.

Base sa inisyal nga imbestigasyon, alas 12:10 sa udto sa samang adlaw, niadto ang biktima sa dagat aron nga maligo apan sa wala damha, wa na kini makauli ug nakit-an na lang nga naglutaw sa tubig nga wa nay kinabuhi.

Matud pa nga usa ka Evelyn Malinao Lascuna, 34, nga taga Purok 1A, Barangay Penaplata, Samal District maoy nakakaplag sa biktima nga naglutaw sa tubig- dagat.

Gisulayan pa og dala ang biktima ngadto sa Davao Norte Hospital-Igacos Zone pinaagi sa mga miresponding sakop sa City Disaster Risk Reducation Management Center (CDRRMC) apan gideklarang dead on arrival sa doktor nga mihiling.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph