DUL-AN sa 90 porsiyento sa populasyon sa Davao de Oro malampuson nga nakarehistro alang sa Philippine Identification System (PhilSys), sumala sa taho nga gipagawas sa Philippine Statistics Authority sa Davao Region (PSA-11) niadtong Biyernes, Enero 24, 2025.
Uban ang 683,946 ka mga indibiduwal nga na-enrol, ang probinsiya "making significant strides" sa pagkab-ot sa "nationwide inclusivity and enhancing" sa mga serbisyo sa gobyerno.
Gidayeg sa PSA-Davao ang maong progreso isip testamento sa padayong pagkomitar sa probinsiya nga maabot ang daghang mga molupyo kung gikinahanglan, kon nagpahimug-at nga ang rehistrasyon maoy susi sa pag-abli og daghang mga benepisyo sa gobyerno.
Apan bisan sa kinatibuk-ang taas nga ihap sa rehistrasyon, pipila ka mga lugar nagpabiling ulahi, ug kinahanglan og dugang paningkamot aron nga makab-ot.
Pipila sa 11 ka munisipalidad sa Davao de Oro, ang Laak, Mabini, Montevista, ug Nabunturan namatikdan nga milapas sa provincial registration average. Sa pikas bahin, ang Monkayo, Compostela, ug Pantukan gitaho nga dunay pinakataas nga ihap sa wala pa marehistro nga mga indibiduwal, nagsignal nga kining mga lugar kinahanglan pa og dugang "outreach and assistance" aron nga makab-ot ang registration targets.
Sukad Oktubre 2022, ang PSA-Davao padayong nga nagpagawas og "paper-based" nga national IDs aron nga mapadali ang mga benepisyo sa PhilSys.
Sa pinakaulahing katikaran, 137,175 ka paper IDs ang naapud-apod na, nga nisumada og 79.8 porsiyento sa provincial target nga 172,000.
Kini nga mga IDs, nga naglakip sa registrant’s PhilSys Card Number, demographic details, ug QR code for authentication, magserbi sa samang trabaho isip physical PhilSys ID, pagsiguro og equal validity ug access sa mga serbisyo.
Ang Nabunturan, Compostela, ug Monkayo nitala sa pinakaatas nga "issuance" sa paper IDs, kon diin ang Nabunturan maoy nanguna sa 21,830 IDs nga gipagawas. Sukwahi sa mga munisipalidad sama sa Mawab, Montevista, ug Mabini nga dunay pinakaubos nga ihap, uban ang di mominos og 10,000 IDs nga naapud-apod matag usa.
“The introduction of real-time paper-based National IDs has significantly enhanced service delivery,” matud sa PSA-Davao. (David Ezra Francisquete)