NIHIMO na sab og kasaysayan ang Ateneo de Davao University (AdDU) Rocketry Team human nag-inusarang nahimong representante sa Pilipinas sa prestihiyuso nga 2025 Spaceport America Cup, ang pinakadako nga intercollegiate rocket engineering competition sa kalibutan nga gihimo karong tuiga sa Midland, Texas, USA gikan Hunyo 9 hangtud 13.
Si Dr. Rogel Sese, lead advisor sa AdDU Rocketry Team, nagpaambit sa kinauyokan sa ilang ikaduhang pasundayag sa langyaw'ng kanasuran ning higayona, uban ang supersonic entry sa 30,000-feet category, pinakauna alang sa nasud.
“This year, we launched Siklab, which means spark in Filipino, our first rocket designed to exceed the speed of sound,” esplikar ni Sese.
“From last year’s 10,000-feet target, we challenged ourselves with triple the altitude and an entirely new performance profile,” tug-an niya atoll sa Media Forum sa Habi at Kape, Miyerkules, Hulyo 9, 2025, sa Ayala Malls Abreeza.
Sa 21 ka mga tim nga nikuwalipikar sa paglunsad sa ilang category, upat lang ang malampuson nga nakahuman sa ilang biyahe tungod sa complex nature sa supersonic engineering.
Samtang ang Siklab nakasugamak sa tunga-tunga sa pagpalupad og structural failure sa supersonic speed, apan ang tim nahimutang gihapon sa ika-17th sa 21 (ahead of last year’s champion).
Sa kinatibuk-an, nahimutang ang AdDU sa ika-120 gibanabana nga 160 ka tim sa tibuok kalibutan.
“To place higher than the defending champion even with our first supersonic entry shows how much we've grown. It speaks to the determination and learning curve of our students,” batbat niya.
Duha lang ka Southeast Asian teams nikuwalipikar karong tuiga, ang AdDU gikan sa Pilipinas ug usa gikan Thailand, nagpahimug-at sa nagkataas nga interes sa rehiyon sa aerospace innovation.
Pagpangandam alang sa Siklab nilungtad og 8 hangtud 10 ka bulan, naglambigit sa kapin 30 ka mga tinun-an gikan sa nagkadaiyang engineering programs: aerospace, mechanical, ug chemical.
Ang tim nipailawom og upat ka desinyo ug safety reviews nga gilusad sa Experimental Sounding Rocket Association (ESRA) una gitugtan sa paglunsad niini niadtong Mayo 2025.
“We did everything in-house, from simulations to fabrication, using the labs and facilities at Ateneo de Davao. It’s a major technical and logistical challenge, but also a proud moment for Philippine science and engineering,” pagsaysay niya.
Sa 32 ka team members, 13 nibiyahe padulong sa Texas alang sa aktuwal nga kompetisyon.
Human sa ilang pagpasundayag sa langyaw, ang AdDU Rocketry Team nangandam na alang sa 2026 Spaceport America Cup, ug makausa pa nag-welcome sa mga tinun-an gikan sa tibuok mga programa nga moapil. (Lian Layson, SPAMAST intern)