Amahan nagkulata sa 8-anyos nga anak gipasakaan na'g kaso

Amahan nagkulata sa 8-anyos nga anak gipasakaan na'g kaso
Gipaambit nga hulagway

GISANG-AT na ngadto sa korte ang kaso batok sa amahan nga nikulata sa iyang kaugalingong anak nga 8-anyos alas 4:00 sa kaadlawon, Martes, Enero 23, sa General Santos City.

Giila ang suspek nga si alyas Berto nga nagpuyo sa Purok Templado, Barangay Fatima, General Santos City.

Sa taho gikan sa Fatima Police Station, nasayran nga gidabu-dabuhan sa pagkulata sa hubog nga amahan ang anak nga si alyas Yurie nga wala daw mituman sa iyang gisugo.

Wala pa matagbaw ang suspek, iyang gihakwat ang bata ug gibundak sa yuta.

Daling gitabang sa mga paryente ug silingan ang bata diin gidala siya ngadto sa balay tambalanan.

Nasayran nga nakaangkon kini og grabeng bun-og sa nagkadaiyang parte sa lawas ug nabali pa ang abaga niini.

Giingong padulong unta sa abroad ang inahan sa bata apan supak ang suspek, hinungdan nga naghubog kini hangtud nga gikulata ang iyang anak.

Gibalhog na sa prisohan sa Fatima Police Station ang suspek ug gihulat kanus-a siya taralon ngadto sa hukmanan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph