Amahan nga nipatay sa anak adik

Amahan nga nipatay sa anak adik
RMN-Gensan

KANHI na nga nalambigit sa pagpayuhot sa ginadiling druga ang amahan nga nipatay sa iyang kaulingon nga anak sa General Santos City.

Ang suspek nga si Roy Canlaon nga taga Barangay Fatima gitumbok nga adik, sigun sa iyang mga silingan.

Gikompirma sab ni Brgy. Fatima Captain Rey Curit nga dunay record sa ilang barangay ang suspek nga nagpayuhot sa gidiling druga o shabu.

Dugay na sab kining gipanid-an sa mga sakop sa Barangay Drug Abuse Council.

Kahinumdoman nga atol nga hubog ang suspek iyang gikulata ang iyang otso anyos nga anak nga si Yurie nga maoy hinungdan sa kamatayon niini.

Hugtanon nga gikondena ni Kapitan Curit ang pagpatay sa amahan sa iyang anak.

Gisuportahan sa pamilya sa biktima ang kapulisan sa pagpasaka sa kaso batok kang Canlaon.

Nasayran nga nakadawt og ubay-ubay nga hinabang ang pamilya sa biktima nga gihaya karon sa ilang pinuy-anan.

Gihulat na lang ang mando sa korte sa kaso batok sa suspek sa sunod niining buhaton.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph