Anak giihaw sa amahan

Anak giihaw sa amahan
Parang Municipal Police Station

TINGKAGOL na sa prisohan ang amahan nga giingong adik human gipatay ang iyang kaugalingong anak alas 2:00 sa kaadlawon, Lunes, Mayo 13, 2024, sa Maguindanao del Norte.

Ang anak nailhan nga si alyas Alim, 11-anyos, Grade 3, samtang samaron ang iyang magulang nga si alyas Bai, 14-anyos ug Grade 6.

Ang suspek nga amahan nailhan nga si alyas Adjis, 35- anyos, ug nagpuyo sa Parang, Maguindanao del Norte.

Matud ni Parang Chief of Police Lieutenant Colonel Christopher Cabugwang nga hubog nga niuli ang biktima sa iyang balay ug nagmaoy.

Kalit lang nikuha og mahait nga kutsilyo ang amahan ug gipangdunggab ang iyang duha ka anak nga natulog.

Abtik nga giuwang sa mga silingan ang suspek nga hubog sab ug gigapos.

Gisapupo ang mga samaron ug gidala sa Parang District Hospital apan gideklara nga dead on arrival si alyas Alim samtang anaa sa talandugong kahimtang si alyas Bai.

Nahibaloan nga tua sa gawas sa nasud ang inahan sa mga biktima nga nagrabaho.

Positibo ang kapulisan sa Parang Municipal Police Station sa ilang imbestigasyon nga hubog ug anaa sa empluwensiya sa gidiling druga ang suspek atol sa gihimong krimen.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph