Anti-drug ops padayon bisan sa paghulip sa 11 station commanders

Anti-drug ops padayon bisan sa paghulip sa 11 station commanders
(Hulagway gikan sa Davao City Police Office)

BISAN pa nga kadaghanan sa mga station commanders sa Davao City Police Office (DCPO) ang gipang-relib sa ilang puwesto, padayon gihapon ug wala matarog ang gipakusgang kampanya sa kapulisan sa Davao sa pagbatok sa illegal nga drugas.

Niadtong Mayo 26, 2024, balhog sa prisohan ang usa ka biyudo human siya nakuhaan og gituohang shabu ug pistola atol sa buy-bust sa Sasa Police Station alas 10:50 sa gabii, Dominggo , Mayo 26, 2024, sa Km. 10, Barangay Sasa.

Ang suspek usa ka biyudo nga 38-anyos, nagpuyo sa Purok 1, Muslim Village, Barangay Sasa kinsa nakuhaan og mokantidad og P37,672 sa gituohang shabu, apil na ang usa ka pistola.

Malampuson sab nga nadakpan ang usa ka pintor ug ang higala niini nga usa ka fish vendor sa gilusad nga buy-bust sa samang istasyon alas 11:20 p.m. Lunes, Mayo 27 sa Block 2, Riverside, Purok 54, Phase 1, S.I.R Barangay 76-A Bucana.

Ang mga suspek giila nga sila si alyas Jay, top 9 sa drug watchlist sa Davao City, 29-anyos residente sa maong lugar, ug si alyas Gaga, 38-anyos nga taga Purok 21, Mangahan, Barangay 76-A, Bucana.

Nagkantidad og P16,861 ang mga pinaugang dahon sa marijuana ang nasakmit sa mga pulis gikan sa posisyon sa mga dinakpan.

Giandam na sa kapulisan sa Sasa PNP ang posibleng kaso nga ipasaka batok sa mga suspek ngadto sa korte. (JPC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph