Armado sa Isla Verde, napatay

Armado sa Isla Verde, napatay
Hulagway gikan sa Davao City Police Office.

PATAY ang usa ka armadong lalaki sa Isla Verde, Purok 5, Brgy. 23-C, Quezon Boulevard human nga misukol sa mga pulis alas 9:05, Biyernes sa gabii, Pebrero 23, 2024. 

Miresponde sa maong lugar ang mga sakop sa Sta. Ana Police Station ubos sa superbisyon ni P/Lt. Col. Ronald Lao sa reklamo sa usa ka concern citizen nga nagpakitabang kanila kabahin sa nasiplatang lilac nga armado. 

Pag-abot sa mga pulis nakabantay ang suspek ug nakigpinusilay kanila hinungdan nga gilayon kining giniyutralisa.

Naigo ang suspek ug gidala sa Southern Philippines Medical Center (SPMC) apan nakabsan kini sa kinabuhi.

Giila ni Lao ang suspek nga si Giovanni Endac, alyas Don-Don, taga Purok 10, Brgy. 31-D, Quezon Boulevard.

Sumala ni Lao nga usa sa ilang nag-unang tumong ang pagbantay gyod sa katawhan nga samtang tulog ang tanan, sila magpaniguro nga ang tawo kampante gayod. 

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph