ANAA na karon sa kustodya sa mga pulis ang armas nga giingong napalgan sa basurero sa Brgy. Limao, Samal District, Island Garden City of Samal alas 2:40 sa hapon, Dominggo.
Ang armas nga nakaplagan mao ang usa ka improvised rifle nga way serial number ug mga bala pinaagi sa usa ka Ryan Villa, 42, garbage collector nga taga Brgy. Limao, Samal District, IGACOS.
Sumala pa nga mismong si Villa maoy nidangop sa IGACOS Police Station ug gitunol ang maong armas nga iyang napalgan sa nahisgutang dapit.
Gisaysay ni Villa nga iyang nakit-an ang armas sa basurahan kilid sa dalan dihang siya nangolekta og mga basura.
Nihimo na og pagpanubay ang kapulisan sa IGACOS Police Station aron nga masubay ang nagbilin o naglabay sa maong armas sa basurahan.