PASAKAAN og kaso nga adultery sa mister ang iyang asawa nga nasakpan nga nakig-sex sa iyang silingan nga kumpare sulod mismo sa kasilyas alas 3:45 sa hapon, Martes, Hunyo 4, 2024, sa Cotabato City.
Giila ang asawa nga si alyas Mer, 48-anyos, minyo, samtang ang nikagud kaniya mao si alyas Ronnie, 37-anyos, ulitawo, panday ug molupyo sa Cotabato City.
Base sa blotter sa Police Station 2, nasayran nga sayo nga niuli si alyas Juan, 49-anyos gikan sa iyang trabaho ug diretso kining nisulod sa ilang kasilyas gumikan kaihion.
Apan dako iyang kakurat sa dihang iyang nakit-an nga ang iyang asawa gikagud sa iyang kumpare nga panday.
Gipanggapos ni alyas Juan ang duruha ug gipadakop sa mga sakop sa Barangay Peacekeeping Action Team.
Nihangyo pa ang asawa nga aregluhon na lamang ang maong problema apan desidido si alyas Juan nga mosang-at og kaso nga adultery.
Gihikay na ni alyas Juan, uban ang kapulisan sa PS2, ang pagsang-at sa kaso ngadto sa korte. (Edgar E. Fuerzas)