MAS gipalig-on pa sa Davao City Police Office DCPO) ang ilang kampanya kontra sa ilegal nga druga. Kini human nga nakigtigum si Police Colonel Mannan C. Muarip uban ang mga operatiba sa intelligence niadtong Miyerkules, Hulyo 23, 2025, alas 8 sa gabii sa DCPO Main Building, San Pedro Street, Davao City.
Ang panagtigum gitutok sa pagpahaum sa mga estratihiya sa anti-illegal drug—usa sa upat ka mga nag-unang direktiba sa Philippine National Police—pinaagi sa pag-igo sa dinaliang panginahanglan sa pagpuhag sa pagkutay-kutay sa ilegal nga druga nga maoy nahimong pabilo sa krimen, kasamok, ug midaug sa pagkamakidaiton.
Gipahimug-atan sa Acting City Director Muarip ang pagkamahinungdanon sa papel sa Psychological Operations (PSYOPS) sa kalampusan sa pagtratar sa anti-drug. Iyang giklaro nga ang gubat sa ilegal nga druga di lang sa pakig-away uban ang hinagiban ug mandamento (warrants) apan madaug sab kini pinaagi sa epektibo nga "information campaigns, positive public perception, and uncompromising operational discipline".
“Changing the narrative and taking control of public consciousness is a force multiplier in crippling the influence of drug syndicates,” pagpasabot niya.
Gipaambit sab ni PCol Muarip ang iyang nga nasulayan nang giyera sa panabot ug taktikanhon nga kinaadman sa iyang kaugalingon nga kasinatian, nga nagbutang sa gibug-aton sa "situational awareness, ethical decision-making, and the moral compass" nga gikinahanglan sa mga misyon nga dunay taas nga risgo. Iyang gipahimangnoan ang mga operatiba nga sa matag operasyon, di lang kini taktikanhon nga misyon, apan responsabilidad ngadto sa komunidad ug sa nasud.
Samtang gibaharan niini ang kapulisan: “We are the first line of defense. Any officer who turns from protector to predator—by using or dealing illegal drugs—will be held accountable and face the full weight of the law.”
Ang panagtigum nagtimaan sa pagbag-o sa panawagan nga molihok ilawom sa “Ligtas na Pamayanan” framework sa PNP, nagpahimug-at sa pagpausbaw sa "intelligence operations, operational integrity, and community trust-building".
Gipasalig sa DCPO ang padayon nga pag-alagad ngadto sa publiko pinaagi sa matinumanon nga panaad alang sa drug-free nga Davao City. (Wenz G. Mendoza)