Babayeng bisita sa prisohan gisignit

Babayeng bisita sa prisohan gisignit
BJMP-GENSAN

GENERAL SANTOS CITY - Tingkagol hinuon sa prisohan ug pasakaan og kaso ang usa ka babaye kinsa nibisita lang unta sa prisohan human nakapkapan nga nagdala og mga pakite sa shabu alas 2 sa hapon, Dominggo, Enero 4, 2024, sa dakbayan.

Giila ang suspek nga si Emily Navarro, 50, ug nagpuyo sa Barangay Apopong, General Santos City.

Matud ni General Santos City Police Chief Colonel Nicomedes Olaivar nga gibisita ni Navarro ang iyang live-in partner sulod sa Bureau of Jail Management and Penology (BJMP-Gensan).

Apan sa dihang girekisa sa mga jailguards ang dala sa suspek dunay nakuha kaniya nga lima ka pakite sa shabu nga sulod sa facial cream.

Gidakop dayon si Navarro sa jailguards ug gitunol ngadto sa kapulisan sa dakbayan.

Una nang gipatuman sa pamunoan sa BJMP ang istrikto nga pagrekisa sa mga dala sa mga mobisita sa mga piniriso sa tanan nga dapit sa nasud.

Gibalhog na ang suspek sa selda sa Police Station 2 sa GenSan ug gihulat ang pagsaka og tukmang kaso batok kaniya.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph