PADAYONG gipanubayan sa otoridad ang pagpamusil patay sa usa ka negusyante alas 11:40 sa buntag, Sabado, Marso 23 sa Kidapawan City.
Wa nay kinabuhi dihang gisapupo ang biktimang si Ara Mae Bangot Diongson Bayhon, 38 anyos, minyo,tag-iya og hardware, nagpuyo sa Barangay Kisante, Makilala, Cotabato.
Sa report gikan ni Cotabato Police Provincial Director Colonel Gilberto Tuzon nga samtang panaog ang biktima sa iyang kolor itom nga Toyota Land Cruiser nga sakyanan, atabang sa iyang hardware sa Alim Street, Barangay Poblacion,--9 Kidapawan City, miabot ang duha ka suspek, dayun pusil kaniya.
Dali nga nakasibat ang mga suspek, samtang gibilin ang biktima nga nagbuy-od, naligo sa iyang dugo.
Ang biktima nakahiagum og tulo ka samad pinusilan sa iyang lawas.