NAGSUGOD na sa iyang katungdanan isip bag-ong regional director sa Police Regional Office sa Soccsksargen (PRO 12) si Police Brigadier General Percival Augustus Placer.
Gihulipan niya si Police Brigadier General Jimili Macaraeg.
Ang turn-over of ceremony gihimo sa Camp General Paulino T Santos, PRO 12, Tambler, General Santos City nga gipangulohan ni Acting PNP Deputy Chief for Operations Lieutenant General Michael John Dubria.
Sa iyang mensahe, si Placer misaad nga iyang ipadayon ang kampanya sa PNP base sa mandato ni PNP chief General Benjamin Acorda Jr.
Si Placer nagsilbi isip Commander sa PRO-Butuan ug maoy director sa PNP Peace Process and Development Center kon PPDC.
Sakop siya sa Philippine National Police Academy “Tagapaglunsad” Class of 1993. (EEF)