Bagyo nanghudlat mokuso-kuso

Bagyo nanghudlat mokuso-kuso
File photo

DUNAY namugna nga Low Pressure Area (LPA) gikan sa cloud cluster nga nasiplatan sa sidlakan sa habagatang-sidlakan sa Mindanao nga gilaumang mosulod sa Philippine Area of Responsibility (PAR) kagabii, Miyerkules, Mayo 22, o karong adlawa, Huwebes sa buntag, Mayo 23, 2024.

Apil sa mga lugar nga hulgaon niini mao ang Davao Region.

Samtang ang LPA puwede sab makaapekto ug motugpa sa Bicol region-Eastern Visayas area sa gabii sa Biyernes, Mayo 25 o sa Sabado, Mayo 26 ug motumaw sa kadagatan sa sidlakang Luzon.

Sumala sa 24-oras nga bulletin weather forecast sa Philippine Atmospheric and Geophysical Astronomical Services Administration (Pagasa), kung ang daut nga panahon mahimo nang tropical depression ug mosulod sa Philippine area, kini na ang una sa duha ka mga bagyo nga gilauman karong Mayo 2024 ug tawgon isip “Aghon”.

“Maaaring ma-develop itong cloud clusters into LPA ngayong araw o bukas at maaari itong lumapit sa ating bansa,” butyag ni Pagasa weather specialist Obet Badrina.

Kasamtangan, gisulti sa Pagasa nga bisan pa sa init nga temperatura, ang nasud mobali na gikan sa panahon sa huwaw ngadto sa panahon sa ting-ulan nga kasagaran magsugod matag Hunyo.

Kini nagpasabot nga tanang bahin sa nasud makasinati na og kanunay nga pag-ulan ug pagpanalugdog.

Sa pikas bahin, ang Pilipinas mahimong makasinati og kinatibuk-ang kasarangan nga kondisyon sa panahon uban ang taas nga kahigayonan sa pagpanalugdog tungod sa nagpadayong pagsulbong sa easterlies gikan sa Pacific ocean. (David Ezra Francisquete)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph