1 patay 5 angol sa pagpamomba

1 patay 5 angol sa pagpamomba
Hulagway iya ni John Unson pinaagi ni Edgar E. Fuerzas.

COTABATO CITY — Away sa pamilya ang gilantaw nga motibo sa pagpabusikad sa 40 mm projectile alas 4 sa kaadlawon, Sabado, Disyembre 9, 2023 sa probinsiya sa Maguindanao del Sur.

Giila ang nakabsan sa kinabuhi nga si Nestor Amborgo Jr., 37-anyos, minyo samtang naangol sila Jemroy Denuman, 47-anyos, Jimrod Mutha, 41-anyos, Alvin Causrin, 38-anyos, Jem Amborgo, 30-anyos ug Joem Sentina, 34-anyos pulos mga molupyo sa Sitio Mafran, Barangay Pilar South, Upi, Maguindanao del Sur.

Sumala ni Maguindanao del Sur Police Provincial director Colonel Ruel Sermese nga samtang nangandam ang mga biktima sa giihaw niining baboy ug kanding sa bunyag sa anak sa ilang paryente kalit lang silang gipabuthan og M79 grenade launchers.

Patay on the spot si Nestor Amborgo Jr., nga sentrong naigo sa 40mm projectile.

Lima sab ang naangol nga naigo sa tipaka sa eksplosibo nga gisapupo sa ilang pamilya ug gidala sa balay tambalanan.

Away sa pamilya sa yuta nga ilang giugmad nga posibleng maoy hinungdan sa pagpamomba.

Sa kasamtangan ang kapulisan sa South Upi Maguindanao del Sur ang padayon nga nag-imbestiga kalabutan sa maong hitabo. 

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph