KADASIG ug puno sa pagpasalamat ang gipaabot sa usa ka 102-anyos nga inahan human siya nakadawat og cash nga P1,500 atol sa third quarter payout gipahigayon niadtong miaging semana sa Davao del Sur diin 41,648 ka benepisyaryo.
Usa sa mga nakadawat mao ang inahan nga si Obining Camin, 102-anyos, residente sa Barangay Astorga, Sta. Cruz, Davao del Sur.
Giadto pa sa inahan ang nahisgutang payout nga gisuportahan sa iyang anak.
Matud pa sa inahan, ang hinabang dakong tabang para matubag ang iyang mga panginahanglanon lakip na ang tambal ug pagkaon.
Ang mga dokumento ni Nanay Obining gisusi karon alang sa iyang sentenaryo nga aplikasyon. (JPC/DSWD-11)