MOIHAP sa 118 ka mga mag-uuma sa rehiyon ug kasikbit nga mga dapit ang migradwar sa Corn Specialist Training Course kon CSTC sa Agricutlural Training Institute kon ATI-Davao Region sa Department of Agriculture (DA).
Lakip niini ang 25 ka partisipante gikan sa ubang ATI Regional Training Centers, DA Regional Field offices, Local Government units ug Autonomous Region in Muslim Mindanao.
Kalabot niini, gipahayag ni ATI National Director Remelyn Recoter sa commencement exercises sa mga trainees nga importante ang mga mag-uuma sa mais.
Matod ni Recoter, sila ang producer sa usa sa mga nag-unang pagkaon sa kalibutan.
Ang CSTC sa ATI Davao Regional Training Center sa Tantangan, South Cotabato nga nagsugod niadtong Agosto natapos karong Disyembre.
Tumong niini nga madugangan ang produksiyon sa dekalidad nga mais ug matabangan ang mga mag-uuma nga madugangan ang ilang kita.