ANAA na sa kinse ka mga gituohang mga sakop sa New People's Army (NPA) ang misurender sa tropa sa Eastern Mindanao Command (EastMinCom) sa milabay'ng semana bitbit ang ilang mga armas.
Kini mismo ang gikompirma ni EastMinCom commander Lieutenant General Greg T. Almerol diin suma sa opisyal nga resulta kini sa ilang padayong paglutos sa mga terorista ubos sa EastMinCom.
Gipangtabangan sab sa kasundalohan pinaagi sa mga programa sa gobyerno ang unang mga mitahan nga maoy dalan sa pagkasikop sa ilang mga kaubanan.
Dungan niini padayon nga nag-awhag si Almerol sa mga NPA nga motahan na og balik sa sabakan sa gobyerno gumikan dunay mga naghulat nga maayong ugma alang kanila.