MINGHOY kining duha ka lalaki kinsa miangkon nga nailad sa ilang amigo.
Buot man gud ning duha nga taga Malalag, Davao del Sur nga padak-on pa ilang kinatawo, maong nagpa-inject sila sa ilang higala ug misalig sa butang nga petroleum jelly ang ibutang apan baby oil diay.
Una niini, usa ka alyas Richard, ilang amigo mipasalig kanila nga makadako ang iyang i-inject kanila busa miuyon sila.
Dangtan og usa ka semana, walay pagbag-o ang gidak-on apan mihuboy kini nga mora na hinuon og kamatis.
Sa karon, nagsugod na og ka-infection ang ilang kinatawo ug naa nay mogawas nga hugaw niini.
Buot nilang maoperahan sa hinanaling panahon.
Ang uyoan sa duha miduol sa OneMindanao sa GMA Davao aron mangayo og tabang ngadto sa publiko.
Makontak ang uyoan sa duha sa numerong 0927-967-9329, diin kini nga numero napatik sab sa OneMindanao Facebook Page.