NADUGANGAN og duha ka nagpositibo sa Covid-19 ang syudad sa Mati karong adlaw’ng Sabado, Agosto 29. Apan napulo usab ang nakarekober.
Sa pinakaulahing resultang gipaguwa sa Department of Health (DoH) nadugang si MC57 ug MC58 sa listahan sa positibong kaso ning syudad.
Si MC 57 usa ka 58-anyos nga lalaking taga Barangay Matiao. Siya nag-roundtrip pa-Davao niadtong Agosto 14. Sa Agosto 22, nagpa-checkup siya sa Davao Oriental Provincial Medical Center tungod sa iyang ubo.
Gi-isolate pud dayon siya sa samang adlaw didto sa Alternate Care Site sa Milagrosa.
Gi-swab sab dayon si MC-57 Agosto 25 diin migawas iyang positibong resulta Agosto 29.
Sa pagkakaron duna gihapon ubo ug pagsakit sa dughan ang pasyente.
Si MC58 usa ka 51-anyos nga lalaki nga taga Barangay Libudon. Usa siya ka OFW seafarer kinsa miabot sa Mati sakay sa AirAsia flight Z2-8615 niadtong Agosto 20.
Na-swab siya Agosto 26 ug migawas ang positibong resulta karong adlawa, Agosto 29. Asymptomatic si MC58.
And duha anaa na sa ACS na isolate.
Samtang napulo usab ang gideklarang recovered karong adlawa. Kini human nagnegatibo ang ilang pinakaulahing swab test results.
Ang mga recovered mao sila si MC- 40, 42, 44, 47, 48, 49, 50, 51, 53, ug 54.
Sila MC40, 42, 44, 48,49,50, ug 51 puro mga LSIs gikan sa Luzon ug Visayas, samtang sila MC53 ug 54 puro returning OFWs. Si MC47 usa ka sundalo gikan Bukidnon.
Sa pagkakaron duna na lang unom ka aktibong kaso sa Covid-19 ang syudad sa Mati. (PR)