3 BPAT gipatay

Buluan Municipal Police Station
Buluan Municipal Police Station

DUMOT sa politika ang gilantaw nga motibo sa dungan nga pagpatay sa tulo ka sakop sa Barangay Peacekeeping Action Team (BPAT) sa Buluan, Maguindanao Province sa alas 8 sa buntag Lunes, Mayo 9, 2022, adlaw sa piniliay.

Matud ni Buluan Chief of Police Lieutenant Cemafranco Cemacio nga nagbantay ang tulo ka miyembro sa BPAT sa piniliay isip abag sa mga pulis ug sundalo kilid sa Luminog Elementry School sa Buluan.

Apan kalit lamang silang gipamusil sa wala mailhing mga armadong tawo gamit ang M16 Armalite rifles, kinsa abtik sab dayong miikyas sakay sa usa ka motorsiklo ug pickup.

Patay on the spot ang tulo ka BPAT nga nakaangkon og daghang samad pinusilan sa nagkadaiyang parte sa ilang kalawasan.

Tungod sa hitabo, nahunong ang piniliay sa Luminog Elementary School gumikan sa sobra nga kahadlok sa mga sakop sa electoral board ug mga botante.

Padayon ang imbestigasyon sa kapulisan sa Buluan Municipal Police Station sa maong hitabo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph