MIKABAT sa 3,000 ka mga punoan sa marijuana ang gipanglarot sa mga sakop sa Regional Special Operation Group/Regional Drug Enforcement Unit (RSOG-RDPEU) Davao Region alas 8 sa buntag, Septyembre 10, 2022, didto sa Purok 7, Sitio Lampua, Barangay Tacub, Kiblawan.
Ang operasyon gipangunahan nila Police Captian William Catipay Jr. ug Police Lieutenant Wilquin Enciso ubos sa supervision ni Police Lieutenant Colonel Ronnie Fabia, kauban ang mga nagkalaing yunit sa Davao del Sur Police Provincial Office.
Sumala ni Enciso nga ang nanag-iya sa mga punoan sa marijuana usa ka miyembro sa bandidong B'laan nga si alyas Sutil, giilang ikaunom sa drug watchlist sa Davao Region.
Wala nadakpan ang suspek human daling nakaikyas sa dihang namatikdan ang pag-abot sa mga awtoridad.
Gipang-ibot ug gisunog sa awtoridad ang mga punoan sa marijuana.