460 PDLs sa City Jail niboto

SunStar file
SunStar file

NIBOTO ang persons deprived of liberty (PDLs) sa Davao City Jail (DCJ) sulod sa nataran sa prisohan Lunes, Mayo 9, 2022.

Dunay kinatibuk-ang 26 ka presinto (precincts) ilawom sa 12 clusters kon diin mga 460 PDLs, lalaki ug babaye, niboto. Ang pinadako nga populasyon sa botante sa City Jail nagagikan sa dormitoryo sa mga lalaki, gilangkuban sa 207 botante, 135 botante gikan sa dormitoryo sa mga babaye, ug 117 gikan sa annex nga populasyon.

Base sa pinakaulahing datus gikan sa Bureau of Jail Management and Penology (BJMP) - Davao, ang 460 PDLs sa City Jail naglakip sa kinatibuk-ang 1,090 nga narehistrong botante nga PDLs sa Davao Region. Sa maong ihap, 967 nakahimo sa pagboto.

Ang nahabilin nga 123 PDLs nga rehistrado apan wala makaboto mahimong wala makit-i sa master list sa Commission on Elections (Comelec) o nabuhian na.

Sumala sa tigpamaba nga si BJMP-Davao Capt. Edo Lobenia, tanan kuwalipikado nga botanteng PDLs nabakunahan na.

"Hindi pwede bumoto ang mga hindi vaccinated," pagklaro niya.

Ang mga PDLs giubanan sa mga personahe sa BJMP-Davao sa Social Entrepreneurship Technology and Business Institute Inc. learning facility sud sa jail compound kon diin ang mga lawak nga botohanan nga gipahimutang.

Ang PDLs gitugotan lang nga moboto alang sa pagka-presidente, bise presidente, usa ka partylist, ug di mokapin sa 12 ka mga senador.

Gikanayon ni Lobenia nga ang wala paglakip sa lokal nga mga posisyon gipatuman aron nga malikayan ang posibleng samok nga pangampanya mga lokal nga opisyal sulod sa nataran sa prisohan.

"Baka kasi magkagulo sa piitan especially sa time ng kampanya. Isa ito sa pinagbabawal ng Comelec at the same ng BJMP na ayaw namin mangyari sa loob ng piitan. Kasi magkakampanya si ganito ng mga local officials, magkakagulo," pagpasabot ni Lobenia ngadto sa SunStar Davao.

Aron nga ang mga piniriso dunay ideya sa bakgrawon ug platforms sa ilang gustong kandidato, sumala ni Lobenia nga mga piniriso gitugtan nga motan-aw og mga debate sa presidential, vice presidential, ug senatorial candidates sulod sa jail facility.

Duna say information drive campaign ang BJMP pangulohan sa Community Relations Service Office, nga magpakatag sab og kuwalipikasyon sa matag kandidato.

"They are actually knowledgeable enough... Pero sa BJMP naman hindi namin pinilipt ang mga inmates na iboto mo ito si ganito, walang ganon," tug-an ni Lobenia.

Mga PDLs kinsa gitugtan nga makaboto kinahanglan nga piniriso siya sa City Jail sulod sa unom ka bulan o taas pa. Sa samang higayon kadto lang wala pa mahukman o masentensiyahan ang gitugtan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph