GIKONDENA sa Association of Community Educators (ACE) dinhi sa Mindanao ang 535 ka mga kaso sa pagpanghasi sa mga tulunghaan sa lumad sukad gideklara ang martial law ni Presidente Rodrigo Duterte.
"We condemn such ridiculous statements as these puts our community educators in grave danger," matud ni Nerhaya Talledo, tigpamaba sa ACE atol sa 2nd General Assembly of Liga ng mga Iskolar ng Bayan (LIB) kagahapon, Oktubre 22, 2018.
Dugang pa niya nga gikan sa pinakaulahing datus sa Save our Schools Network sukad Mayo 23, 2017, dunay miabot og 535 nga pag-atake sa mga tulunghaan sa lumad; 58 tulunghaan nasirad-an; 10 ka tulunghaan na-dislokar; 30 ka eskuwelahan gigamit sa militar isip mga kampo; ug 19 ka eskuwelahan ang naguba ug gihimulbolan.
Duna say kinatibuk-ang 2,460 tinun-an, magtutudlo, ug ginikanan mga biktima sa pinugos o peke nga pagtahan; 111 ka kaso sa gama-gama nga mga kaso ug ilegal nga pag-aresto ug detensiyon; ug duha ka lumad nga tinun-an napatay.
"The Mindanao Interfaith Services Foundation Inc. (MISFI) Academy and other lumad schools suffer atrocities," pagtin-aw ni Talledo.
Samtang, si MISFI Community Education Program Head, Milagros Tan, nagsulti nga bisan kon sila nakatuman sa tanang mga rekisito nga gipangayo sa gobyerno aron nga makapadagan og tulunghaan alang sa Lumad ug Moro, pipila ka mga tulunghaan gipugos sa pagsirado.
Gikanayon ni Tan nga dunay 300 ka mga community educators ug nag-alagad og kapin 1,000 ka kabataan.
"We believe that the right to education is a basic right that facilitates access to all other rights including rights to land, life, and liberty," puno pa ni Talledo. (LHC)