6 terorista mikakak, ni-ampo

(Pinaambit nga hulagway)
(Pinaambit nga hulagway)

UNOM ka miyembro sa Bangsamoro Islamic Freedom Fighters (BIFF) sa Karialan faction nisurender sa 1st Mechanized Brigade sa Camp Leono, Barangay Kalandagan, Tacurong City niadtong Dominggo, Enero 15, 2023.

Ang unom ka kanhi manggugubat sa BIFF sa mga sundalo pangulohan ni Lieutenant Colonel Jayson Domingo, commanding officer sa 1st Mechanized Battalion.

Gitahan sab sa mga nahisgutan ang ilang mga armas ug eksplosibo nga naglakip sa 60mm Mortar, M16A1 rifle, Garand fifle, Cal .30 Carbine rifle ug rocket-propelled grenade (RPG).

Gipresentar ang mga kanhi BIFF combatants ngadto kang Brigadier General Pedro Balisi Jr, Commander sa 1Mech Bde, Armor Division, Philippine Army uban ni Maguindanao del Sur Congressman Mohamad "Tong" P. Paglas, Atty. Cyrus E Torreña, Provincial Administrator ug Mr. Roger D Dionisio, Agila Haven Focal Person sa Camp Leono sa usa ka yano nga programa.

Gihatagan dayon og financial assistance ang mga misurender ug nakadawat usab sila og usa ka sakong bugas matag usa isip inisyal nga hinabang ngadto kanila.

Niinsister ang mga misurender nga dili na nila maaguwanta ang kagutom ug kalisud sa pagdagan ug paglikay sa puwersa sa gobyerno.

Gawas niini, nahadlok sab sila kay nakadungog sila nga kuyaw nga mga armas sa militar ang gamiton batok kanila.

Nalipay si Major General Roy M Galido, Commander sa 6th Infantry (Kampilan) Division ug Joint Task Force Central sa pagsurender sa unom.

Sa samang higayon, nanawagan ang heneral sa ubang miyembro sa BIFF nga mobalik sa sabakan sa balaod ug dawaton ang kalinaw nga gitanyag sa gobyerno.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph