GIPANGKASOHAN sa korte ang walo ka mga indibiduwal diin usa niini 73-anyos dihang naaktuhan sila sa Toril Police Station nga nag-Mahjong alas 3:30 sa hapon, Sabado, Marso 6, 2021, didto sa Barangay Daliao, Toril, Davao City.
Sumala ni Toril police station commander Police Major Michael Uyanguren nga usa ka reklamo ang ilang nadawat gikan sa nagpakabanang katawhan labot sa hitak nga pasugalan sa dapit.
Gilayong mironda ang kapulisan sa Toril diin naaktuhan ang upat ka mga ginang ug upat ka mga lalaking edad-edaran nga perteng paghamloy-hamloy sa mga Mahjong tiles.
Nakuha sa posisyon sa mga dinakpan ang duha ka Mahjong tiles, upat ka mga dice ug pusta nga P360.
Temporaryo nga gipangkustodiya ang mga suspek sa Toril police station samtang kasong pagsupak sa Presidential Decree 1602 kun Illegal Gambling ang ilang giatubang sa korte. (Jeepy P. Compio)