9 angol pagbuto sa IED sa Buluan

Datu Unsay Municipal Police Station
Datu Unsay Municipal Police Station

GRUPO sa mga terorista ang gitudlo sa mga awtoridad nga maoy utok sa sunod-sunod nga pagpamomba sa Maguindanao Province sa bisperas sa eleksiyon alas 7:05 sa gabii niadtong Dominggo, Mayo 8, 2022.

Sa maong insidente, siyam ka mga tawo ang nangaangol nga pulos molupyo sa nahisgutang Datu Unsay sa nahisgutang probinsiya.

Gibutyag ni Maguindanao Provincial Police Office Director Colonel Jibin Bongcayao nga unang natigayon ang pagpamomba sa Shariff Aguak ug gisundan sa upat ka pagbuto sa 40-millimeter (mm) high explosive o M79 grenade launchers sa Datu Unsay.

Walay naigo sa pagbuto sa improvised explosive device (IED) sa Shariff Aguak apan siyam sa Datu Unsay.

Ang siyam ka mga biktima nakaangkon og mga igo sa tipaka sa 40-mm high explosive sa nagkadaiyang parte sa ilang kalawasan.

Gisapupo ang mga samaron sa ilang pamilya ug gidala ngadto sa Maguindanao Provincial Hospital ug luwas na sa makuyaw nga kahimtang.

Una nang nanghulga ang Bangsamoro Islamic Freedom Fighters nga molusad sila og paqgpangatake sa Maguindanao ug North Cotabato.

Gipalig-on pa karon sa mga awtoridad ang seguridad sa magkasikbit nga probinsiya batok sa mga dautang pundok.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph