GIBUHIAN sa mga personahe sa City Environment and Natural Resources Office (Cenro) sa baybayon sa Baranga Cablalana, Glan, Sarangani Province ang 95 ka Hawksbill nga bag-ong pusa nga sea turtles.
Kini ang gibutyag ni Cenro-Glan Rosalinda Cortez nga gipahibalo sa coastguard nga si Fernando Gampamole.
Nanguna sa pagbuhi sa mga pawikan mao sila si Ecosystem Management Specialist Marivic Quisto ug Park Maintenance Foreman Nelson Ycon.
Nanawagan si Cortez sa publiko nga motabang sa pagpanalipod sa mga pawikan.
Ang Hawkbill sea turtle nga sagad makita sa baybayon sa Sarangani gikonsidera nga "critically endangered" o hapit nang mapuo.
Gipanalipdan kini pinaagi sa Republic Act No. 9147 kun "Wildlife Resources Conservation and Protection Act."