ANAA karon sa pag-atiman sa City Environment and Natural Resources Office (Cenro) sa Tacurong ang naluwas nga Philippine Serpent Eagle.
Nakaplagan nga luya ug dili makalupad ang agila sa estudyante sa senior high school nga si Keith Chester likod sa ilang tulunghaan.
Nangayo'g pakitabang sa kapulisan si Keith sa Barangay New Carmen sa siyudad sa Tacurong, sumala ni Cenro officer Badjury Mustapha.
Ang nasangpit nga agila gitunol ngadto sa DENR-Cenro ni Patrolman Romnick Valenzuela alang sa pagpatambal ug pag-atiman.
Samtang giseguro ni Mustapha, kon maulian na, buhian dayon nila ang na rescue nga serpent eagle sa kalasangan.