Asset sa militar, gibugha

(Hulagway iya sa Cotabato City PNP)
(Hulagway iya sa Cotabato City PNP)

ATRASO o personal nga dumot ang gilantaw nga motibo sa mga awtoridad sa pagpamusil-patay sa usa ka asset sa militar alas 7 sa gabii, Lunes, Disyembre 26 sa Cotabato City.

Giila ang biktima nga si Johnny Sapal Kubato, 42-anyos, minyo ug nagpuyo sa Gonzalo Javier Street, Barangay Rosary Heights 7, Cotabato City.

Gibutyag ni Lieutenant Colonel Carmelo Mungkas Jr., ang tigpamaba sa Cotabato City Police Office (CCPO) nga sakay sa iyang kotse ang biktima duol na sa iyang pinuy-anan sa diha nga kalit nga mibutho ang riding-in-tandem nga mamumuno ug gipusil kini gamit ang kalibre .45 nga pistola.

Abtik sab nga misibat ang mga mamumuno paingon sa direksiyon sa town proper.

Gisapupo sa iyang pamilya ug mga kabanay ang biktima ug gidala sa Cotabato Regional and Medical Center (CRMC) apan gideklara kini sa mga doktor nga dead on arrival.

Naka-angkon og daghanang samad pinusilan ang biktima sa nagkadaiyang parte sa iyang kalawasan nga maoy hinungdan sa kamatayon niini.

Kahinumdoman nga niadtong 2019 gipusil ang biktima apan napatay niini ang mga suspek.

Gisundan kini niadtong 2020 ug labing bag-o niadtong Disyembre 26 diin siya napatay.

Sa pagkakaron padayong giimbestigahan sa Cotabato City PNP ang pagpusil-patay sa biktima.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph