Babaye nga sekyu nakit-ang patay

Babaye nga sekyu nakit-ang patay
Cotabato City Police Office

DILI pa matino sa kapulisan sa Cotabato City Police Office ang motibo sa pagpatay sa babayeng security guard nga nakaplagan sulod sa iyang boarding house nga dunay mga samad pinusilan sa lawas, 1:50 sa kaadlawon, Miyerkules, Hunyo 13, 2024, sa siyudad.

Giila ang biktima nga si Lovely Rose Ferraren Rocaberte, 35-anyos, ug molupyo sa Barangay Nalin 2, Midsayap, North Cotabato.

Gibutyag ni Cotabato City Police Office Director Colonel Querubin Manalang Jr. nga nakaplagan nga wa nay kinabuhi ang biktima sulod mismo sa iyang lawak sa iya mismong ka-boardmate.

Dali gilayon kining gipahibawo sa tag-iya sa boarding house kinsa mao na say nitawag sa kapulisan.

Sa pagsusi sa mga pulis, nasayran nga dunay samad pinusilan sa nawong, liog ug kamot ang biktima nga maoy hinungdan sa iyang kamatayon.

Wala sumala pa makadungog og buto sa armas ang iyang mga ka-boardmate gumikan kusog ang ulan niadtong mga orasa o kaha nigamit og pusil nga dunay silencer ang mamumuno. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph