KIDAPAWAN CITY -- Gikakurat ni Mary Grace Bato ang gihimugso nga baktin sa iyang anay niadtong Hunyo 2 sa dakbayan sa Kidapawan.
Napulo ang anak sa binuhing baboy apan usa niini lahi gumikan duha ang ulo.
Lagsik nga gipanganak ang baktin apan gilahi kini ni Bato nga gipainom og gatas gumikan naglisud siya pagsuso sa inahan.
Nagtuo ni Mary Grace nga mabuhi ang baktin apan pag-abot sa kabuntagon niadtong Lunes, Hunyo 4, namatay na kini.
Sobra nga nasakitan si Bato gumikan una kining higayon nga nakakita siya og baktin nga duha ang ulo.
Daghan sab ang nag-ingon nga kung didto pa gipadede ang baktin sa inahan ug wala gipainom sa komersiyal nga gatas posibleng mabuhi pa kini.
Gilubong na sa pamilya ang baktin nga duha ang ulo.