MISULAY og pakamatay ang usa ka mister pinaagi sa pagyarok og Muriatic Acid human sila naglalis sa iyang giingong "kerida" sa milabay'ng kaadlawon.
Gidali'g dala sa Southern Philippines Medical Center (SPMC) ang biktima nga si Roger (bansagon gitago), 33, residente sa Times Beach, Barangay 76-A Bucana, Davao City.
Alas 3 sa kaadlawon niadtong Huwebes, Hulyo 12, nakugang ang pagkatulog sa mga boarders dihang dunay nahagba ug nagpatabang.
Dihang nanggawas na sila, ilang nakita nga nagbula na ang baba sa biktima human giyarok niini ang muriatic.
Si Jacky (bansagon gitago), 36, asawa sa biktima nagpa-blotter sa Talomo Police Station kinsa nagsaysay nga iyang nasayran nga naglalis ang iyang bana sa usa ka alyas Madonna nga maoy gituohang kabit niini.
Dihang nahibal-an sa asawa ang sekreto sa iyang bana, iya kining gikompronta apan wala kaaguwanta ang bana niini sa yawyaw sa asawa hinungdan nga giinom niini ang muriatic aron tapuson na ang iyang kinabuhi.
Sukad sa pagsulat ning balita, anaa gihapon sa kritikal nga kondisyon ang biktima sud sa SPMC.
