Bana sige'g 'tong-its' gilabay og bato sa misis

NAGKADUGO nga nagpatala sa San Pedro Police Station ang usa ka misis atubangan mismo sa iyang bana, sayo sa buntag, niadtong Sabado, Agosto 22, 2020 didto sa Bolton Extension, Barangay 76-A, Bucana, Davao City.

Nasayran nga napungot na ang misis dihang di moundang og baraha ang iyang mister, giingon nga nanimaho na kining ilok gumikan walay ligo-ligo, kay nag sige nalang og kurom sa iyang mga higala.

Ang misis nga si Rosaly, 28-anyos, mipunit og dako nga bato sa Bolton Extension, diin iyang gidala sa iyang mister ug didto sa walay daghang rason iya kining gilabay sa iyang mister ug naigo sa agtang.

Nagkadugo ang bana, maayo nalang wala ma “krus” nga mao unta iyang hinungdan sa kamatayon.

Ang duruha gipangdala sa kapulisan sa San Pedro PNP aron gipatala, diin sa barangay nalang sila maghusay.