Bangga atbang sa airport, 1 nakalas

Hulagway iya sa GMA One Mindanao
Hulagway iya sa GMA One Mindanao

PATAY ang usa ka motorcycle rider human nga nadisgrasya tali sa trailer truck pasado alas 12 sa tungang gabii, Oktubre 1, 2023, atbang sa Davao International Airport sa Buhangin, Davao City.

Sa report sa GMA One Mindanao, nisulay matud pa og overtake ang motor rider sa walang bahin sa nag-unang trak hinungdan sa pagkadisgrasya.

Sa pagsuwat ning balita Dominggo sa udto, wala pa nakapagawas og opisyal nga report ang kapulisan sa Buhangin Police Station labot sa hitabo.

Samtang, usa ka oras una kini nahitabo, nagkarambola sab ang tulo ka motorsiklo sa susamang dapit atubangan sa Davao International Airport.

Pipila ka mga motorista nga mikomento sa mga posts sa Facebook sa maong hitabo nagbutyag nga delikado ang dapit kung magpatuyang sa pagpadagan sanglit dulhugon ang lugar.

Tambag sa awtoridad nga seguraduhon nga anaa kanunay sa luwas nga paagi sa pagmaneho aron likay sa disgrasya.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph