BIFF wa kapiog sa militar, 2 patay

Hulagway kuha ni Edgar E. Fuerzas
Hulagway kuha ni Edgar E. Fuerzas

WA KAPIOG ang mga sakop sa Bangsamoro Islamic Freedom Fighters (BIFF) batok sa militar human nga napatyan og duha samtang laing upat ang nasamdan atol sa engkuwentro alas 3:00 sa kaadlawon, Huwebes, Marso 2, 2023.

Gibutyag ni 601st Brigade Commander Colonel Oriel Pangcog nga nagpatrolya ang mga sakop sa Joint Task Force Central sa SPMS Box sa Shariff Aguak utlanan sa Mamasapano, Maguindanao del Sur.

Apan nasugamak sa gibanabana nga 20 ka mga sakop sa BIFF-Karialan faction hinungdan nga nahitabo ang binakbakay rason nga mga sibilyan sa maong dapit nanghapa tungod sa kahadlok nga mapagan sa giyera nga milungtad og 30 minutos.

Miatras ang mga terorista sa hilit nga dapit sa SPMS Box sa diha nga gimortar sila sa mga sundalo.

Walay naangol o namatay sa bahin sa militar.

Sa pagsuwat ning balita, padayon ang pursuit operation sa Joint Task Force Central batok sa BIFF sulod sa SPMS Box.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph