Binabaye gibugha

Binabaye gibugha
Hulagway iya ni Untong Aud pinaagi ni Edgar E. Fuerzas.

COTABATO CITY - Atraso ang gilantaw sa awtoridad nga motibo sa pagpamusil-patay sa usa ka miyembro sa (LGBT) alas 6:45 sa buntag, Biyernes, Disyembre 15, 2023 didto sa probinsiya sa Maguindanao del Norte.

Giila ang biktima nga si Ading Morante, 34-anyos ug nagpuyo sa Barangay Magsaysay, Parang, Maguindanao del Norte.

Sa taho gikan sa Parang Municipal Police Station nga samtang naglakaw ang biktima gikan sa ilang balay paingon sa usa ka tindahan ang kalit lang mibutho ang duha ka wala mailhing tawo ug gipusil kini gamit ang kalibre .45 nga pistola.

Abtik sab nga miikyas ang mga suspetsado sakay sa motorsiklo paingon sa direksiyon sa Cotabato City.

Dead on the spot ang biktima nga naka-angkon og samad pinusilan sa iyang ulo ug dughan.

Una gipatay si Morante dunay kini naka-away nga laing grupo sa mga bayot nga posibleng maoy ugat sa pagpatay niini.

Sa kasamtangan ang kapulisan sa Parang Maguindanao del Norte ang padayon nga nag-imbestiga sa pagpamusil-patay sa biktima. 

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph